निषेध असंवेदनशील मनमानीचा/unhuman act

आजचा दिवस वर शनिवार दिनांक १० एप्रिल  २०२१ अत्यंत संतापाची सकाळ… बाहेर सरकारने लादलेली संचारबंदी. नागरिकांना भयभीत करण्यात कसर न सोडणारे प्रसार माध्यम .हि दिवसेंदिवस असंवेदनशील होत आहेत. बेजाबदार होत आहेत. त्यांना असे वागण्याशिवाय पर्याय नाही. कारण जरा सरकारच्या विरोधात वा वास्तव लिहायला दाखवायला सुरुवात केली कि सरकारचे बेअक्कल पाठीराखे पदरमोडून सरकारची वकिली करायला मोकळेच आहेत.आपण रस्त्यावर उतरून आपली बेजबाबदारी सिद्ध करू शकत नाही.मग हा एक मार्ग आहे,याच उद्द्येशाने सरकारच्या चुकीच्या निर्णयांचा निषेध नोंदविण्याचा हा प्रयत्न आहे. मनात होत असलेली कोंडी सुटावी म्हणून व्यक्त होणे गरजेचे आहे ,आणि तणावातून मुक्त होणे. 

दोन तीन दिवसापासून एकच मायना असलेल्या बातम्यांनी लोकांच्या मानसिकतेवर प्रचंड आघात केला आहे. ती म्हणजे एकाच सरणावर अनेकांचे अंत्यसंस्कार प्रशस्त अर्धपान व्यापणारी हि बातमी लोकांना भावनिक करणारी आहे. भय पसरवणारी आहे. याशिवाय पत्रकारितेची अक्कल गहाण ठेवल्याच हे जिवंत उदाहरण आहे. जवळपास सर्व ब्रँडेड वर्तमान पत्रांनी या बातमीला प्राधान्य दिले.जितक भय पसरवता येईल सामाज्याला  तितकं भयभीत करण्यात कुठलीच कसर या असंवेदनशील मंडळींनी बाकी ठेवली नाही. विशेष म्हणजे या संपूर्ण बातमीत प्रशासनाच्या या निर्दयतेने व भंपक नियमावर कुणीही आघात केला नाही वा त्याचा जाब जिल्हाधिकारी याना विचारला नाही. हि बाब पत्रकारितेच्या मरणासन्नतेच उदाहरण आहे.याचा निषेध .वास्तविक पाहता प्रत्येक गावात सरकारी ग्रामसेवक ,तलाठी ,आरोग्य कर्मचारी हे कार्यरत आहेत. मग काही तासांची प्रतीक्षा करून किंवा एकाच सरणावर अनेकांचे अंत्य संस्कार करून प्रशासनाला काय सिद्ध करायचे आहे.  

मध्यंतरी आमच्या न्यायालयांनी हिंदू सोडून अन्य सामाज्याला त्यांच्या सामाजिक प्रथेप्रमाणे कोरोनाबाधित मयत व्यक्तीवर अंत्यसंस्कार करण्याचे अधिकार दिले.कदाचित त्यावेळी भारतातील विद्वान सनदी पगारी अधिकारी पुढे एका सरणावर अंत्यसंस्कार करून आपले कर्तव्य बजावण्याचे आदेश देऊन मयताचे कुटुंबियांना आजन्म पुरेल असा मानसिक आघात पोहचवतील याबाबत न्यायपालिकेला अंदाज आला नसावा.माझा या घटनेत सरकारला एक प्रश्न आहे.या आठवड्यात राज्यात एकाच सरणावर अनेकांचे अंत्यसंस्कार करण्याच्या ज्या घटना घडल्या आहेत. त्यात पीडितांच्या धार्मिक प्रथा ,परंपरा कौटुंबिक भावना जपल्या गेल्या आहेत का ?केवळ प्रशासकीय जबाबदारी पार पाडत आहोत ,समाजावर खुप उपकार करीत आहोत हि भावना समाजात रुजविण्यासाठी हा मार्ग अवलंबला असावा.   

कोरोना संकट येऊन वर्ष लोटलं तरीही आमच्या आरोग्य सुविधा लोकांचे जीव वाचविण्यास समृद्ध ,सिद्ध का ? झाल्या नाही. व जी चूक गत वर्षी केली तीच चूक याही वर्षी पुन्हा करीत आहे. सर्व रुग्ण जिल्ह्याच्या ठिकाणी जमा करीत आहोत मग नवीन काय होणार आहे. दवाखाने भरलेले आहेत. मग कोविद सेंटर का सुरु नाही ? का लसीकरण अधिक गतिमानतेने केले जात नाहीय ? का खाजगी दवाखाने ,मेडिकल दुकाने हि सरकारच्या कायद्याचं सहजतेने उल्लंघन करीत लोकांची लूट करीत आहेत ? ठराविक लोकांचे मृतदेह त्यांच्या नातेवाईकांना दिले जातात,त्यासाठी न्यायालयाच्या आदेशाचा आधार घेतला जात असेल तर एकाच सरणावर अनेकांचे अंत्यसंस्कार करावे हा आदेश काढलेला नसताना हि कृती का ? केली का असा निर्णय घेण्यात आला ? प्रशासनाला मनमानी करताना न्यायपालिकेची भीती वाटत नाही का ?